الرئيسية
بسم الله الرحمن الرحيم
وانا راجعة من الكلية وقفت عشان اركب عربية زوزوكي
المهم عربية وقفت وركبت
قعدت زي اما بحب قدام جنب السائق
والطريق كاالعادة زحمة زي كل يوم طبعا
والعربية الي تلاقي الطريق فاضي من اي حتة تدخل فيه
والعربيات كلها بتدخل على بعض
شوية والحمد لله اللطريق بقى سالك
والعربيات بتمشي بسرعة
المهم فجأة عربية حودت وكانت هتدخل فينا
لولا ساتر ربنا
من الطبيعي طبعا او المعهود عليه
ان الراجل ينزل من العربية
ويتخانق مع الراجل التاني
وتقوم خناقة ويشتمو بعض
والحاجات الي بتحصل دي
بس العكس تماما
انا لقيت السواق الي انا كنت راكبة معاه
حود وعدا عادي انا طبعا استغربت
وزاد استغرابي لما جت عربيتنا قصاد العربية التانية
لقيت السواق الي كنت راكبة معاه نادى على السواق التاني
وقاله(نصيحة لوجه الله ابقى بص جنبك لما تيجي تعدي) و
راح جاي ماشي
يمكن الموقف يكون بسيط بس بصراحة ساب فيه اثر كبير
