منتديات د.أحمد حجاج

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

3 مشترك

    كل أسبوع فكرة لكل المنتدى

    Dr.Flash
    avatar
    Dr.Flash
    Admin


    عدد المساهمات : 288
    نقاط : 5841
    تاريخ التسجيل : 25/10/2009
    • مساهمة رقم 1

    كل أسبوع فكرة لكل المنتدى Empty كل أسبوع فكرة لكل المنتدى

    مُساهمة من طرف Dr.Flash السبت مارس 20, 2010 8:23 am

    كل أسبوع إن شاء الله هنتفق على فكرة ونحاول ننفذها بشكل عملي على المنتدى وكلنا نشارك في وضع الفكرة وكمان طريقة التنفيذ وكمان ده تدريب لبداية فريق التنمية البشرية..

    مستني آرائكم حول الفكرة،
    وأنا بصراحة نفسي أبدأ بفكرة الاستاذ عمرو خالد في برنامج مجددون وكانت عن فلسطين

    الفكرة : هي إحياء فلسطين في قلوب الاطفال على النت

    الهدف:وصول أن ارض فلسطين هي للمسلمين للأطفال

    الشعار :دي ارض المسلمين

    الخطوات : يعني مستني أفكاركم
    • الرجوع الى أعلى الصفحة
    ayatmohamad
    ayatmohamad
    ayatmohamad
    وسام الكاتب المتميز
    وسام الكاتب المتميز


    عدد المساهمات : 124
    نقاط : 5478
    تاريخ التسجيل : 11/11/2009
    الموقع : من جنه الله فى الارض
    • مساهمة رقم 2

    كل أسبوع فكرة لكل المنتدى Empty رد: كل أسبوع فكرة لكل المنتدى

    مُساهمة من طرف ayatmohamad السبت مارس 20, 2010 11:05 pm

    بسم الله الرحمن الرحيم
    الفكرة ممتازه ... ولكن قضية إحياء قضيه فلسطين فى نفوس عيالنا ... بش هتحصل فى أسبوع واحد ولا شهر واحد ولا سنه واحدة ... الاطفال .. أسهل حد وأصعب حد ممكن تتعامل معاه ... لن يكفى النت ... ولكن إقترح أن نحى الأول الموضوع فى نفوس الكبار وبعدين نعلمهم إزاى يحيوه فى نفوس الأطفال ... لان الأطفال بتحب التعامل المباشر ... الموضوع ده كبير ويستاهل إنه ينضم لقسم الأسرة حتى يؤتى ثماره ...
    أنا معاكو .... وبجد ربنا يستعملنا ولا يستبدلنا ...

    ده مش تحبيط ده كلام نابع من معايشه للأطفال ... وملاحظه جيده



    • الرجوع الى أعلى الصفحة
    lamis
    lamis
    lamis


    عدد المساهمات : 130
    نقاط : 5504
    تاريخ التسجيل : 17/11/2009
    العمر : 36
    • مساهمة رقم 3

    كل أسبوع فكرة لكل المنتدى Empty رد: كل أسبوع فكرة لكل المنتدى

    مُساهمة من طرف lamis الإثنين مارس 22, 2010 11:43 am

    فكرة رائعة د.فلاش



    فعلا يجب إحياء هذه القضية في نفوس الأطفال

    الأطفال من السهل جدا غرس القيم والأفكار سواء السلبية أو الإيجابية فيهم

    وفي نفس الوقت شايفة كلام آيات صحيح انه فعلا لو

    ماكنش آبائهم وأمهاتهم مقتنعين بالفكرة هيضيعوا كل اللي

    بنعمله لأننا هنا هنكون أهملنا التربية بالقدوة"يعني شوية

    كلام من اللي درسناه في الكلية"

    لأ بجد

    التربية بالقدوة من أهم أساليب التربية الفعالة

    علشان كده أنا بقترح إقتراح

    في البداية انا بقول ان هيبقى في عندنا طريقين ماشيين فيهم

    الأول التربية المباشرة ودي بالأطفال اللي حواليناوهنكلم

    أكيد آبائهم ونقنعهم أكيد بالفكرة

    أما التاني اللي هنا مكانه:

    احنا هنتكلم معاهم بس كلامنا نحاول قدر المستطاع ان

    مايكنش في تصادم بالأفكار مع الآباء

    وبعدين نحاول نعمل اللي علينا ونخلص وربنا يتقبل كل أسبوع فكرة لكل المنتدى Icon_smile
    • الرجوع الى أعلى الصفحة
    ayatmohamad
    ayatmohamad
    ayatmohamad
    وسام الكاتب المتميز
    وسام الكاتب المتميز


    عدد المساهمات : 124
    نقاط : 5478
    تاريخ التسجيل : 11/11/2009
    الموقع : من جنه الله فى الارض
    • مساهمة رقم 4

    كل أسبوع فكرة لكل المنتدى Empty رد: كل أسبوع فكرة لكل المنتدى

    مُساهمة من طرف ayatmohamad السبت أبريل 10, 2010 6:47 am


    بسم الله الرحمن الرحيم

    طيب أيه رأيكم نبدأ بالفكرة دى ... خضر بالاكونتك ... فكرة سهلة التنفيذ ... الفكرة دى عندى من مده وكنت عاوزه أحطها على المنتدى ولكن قررت أنى لا أطرحها الا لما أنفذها الأول وأشوف هقدر أعملها ولا الموضوع صعب ... وفعلا الحمد لله نفذتها وكنت ناويه أعلن عن الفكرة فأستاذى (عمرو خالد ) سباقنى فى مجددون إمبارح وعمل الفكرة وطلب أننا ننفذها فقلت الحمد لله إنى إتأخرت علشان نبقى ماشين مع البرنامج بنحاول ننفذ أفكارة

    وفكرتنا عنوانها زى مقلت ... خضر بالاكونتك ... كلنا عندنا بالاكونات الحمد لله ...كل الموضوع إننا هنبدأ نجيب زرع ونخضر البلاكونه بيه ... طبعا فى ناس هتقول منين نجيب الزرع ... فى طرق كتير يإما تقول لحد أنت تعرفه يجبلك وطبعا فى الحاله دى هتحتاج أسماء نباتات .... وعلى حسب منتا بتحب لو بتحب التباتات المزهره ... طبعا ورد بلدى .. وفل وياسمين ... لو عايز شكل حلو .. الصبارات عموما .. وممكن تروح معاه وتختار بنفسك ... طيب لو متعرفش حد بيفهم فى الموضوع توكل على الله روح مشتل وأعمل الحاجات الى هقولك عليها ... وروح وجرب لن تخسر شىء ... وحاول تسأل عامل المشتل عن نوع النباتات الى أنت عاوزها سواء أسماء أو تعمل جوله فى المشتل وتختار وخلى بالك وصيه يجبلك حاجات تعيش ... والورد والياسمين جيبه مطعم ... يعنى إيه قوله كده وخلاص هيفهم إنك فاهم ... وكمان خالى بالك فى السعر النباتات بش كلها غالى فى حاجات سعرها مناسب .... وكمان ياريت تسأله عن كيفيه الاعتناء بها كم مرة تسقيها فى أى حاجه ممكن تضفها للتربه علشان تغذى النبات ...

    طيب أحنا كده إتكلمنا عن أزاى هنجيبه والحاجات الى نخلى بالنا منها وإحنا بنجيبه ...
    طيب فى حاجه عاوزه أوضحها ... التكاليف ... حط ميزانيه للموضوع مثلا كذا .... أى مبلغ وأشترى على أساسه ... طيب ممكن حد يقولى بأنا هضيع فلوسى علشان حبت زرع ؟؟؟
    هقولك الى هتكسبه من الموضوع ده أكبر من الفلوس ... هتكسب أنك دخلت قيمة الجمال فى حياتك ... وكمان حاجه مهمه جدا المسؤليه أنك لما تعود نفسك على المسؤليه فى العنايه بالنباتات دى ذى مدرسنا فى التنميه البشريه هتبدأ تبقى عندك فى كل حاجه علشان كده المتخصصين فى تربية الاطفال بيوصوا دائما بجعل الاطفال تربى نبات أو سمك ويكون هو المسؤل عنه فى راعياته علشان يتزرع فيه المعنى ده (تحمل المسؤليه)من صغره

    طيب أنا عملت أيه (تجربتى ).... أنا الشهر الى فات ربنا رزقنى بزياره غير متوقعه لمشتل كنت أول مرة أدخل مشتل غير مشتل كليتى ... ولقيت الموضوع عادى جدا وجبت معايه زرع ولقيت نفسى عارفه أروح بيها البيت مفيش أى مشكله فقررت أنى ميزانية الشهر ده هيكون فيها جزء لشراء الزرع ... والحمد لله جبته ثمانيه نباتات بعشرة جنيه بس أغلبه ورد بلدى لانى بحب الورد والباقى قرنفل مزهر وضعته فى حاجات مؤقته والشهر الجاى هشترى الحاجات الى هزرعه فيها أظن عشرة جنيه مش كتير ...

    على فكرة لو سمحت لا تحرم نفسك من دخول لمسة جمال لحياتك ... يلا خضر بالاكونتك

    أى حد عنده سؤال يضيفه على الموضوع وإن شاء الله هجاوب عليه فى حدود علمى

    • الرجوع الى أعلى الصفحة

      الوقت/التاريخ الآن هو السبت أبريل 27, 2024 2:59 pm